Dedolezza e Lioni tratto dal romanzo "Po cantu Biddanoa" di Benvenuto Lobina

Debolezza, su bandidori sciancau, tenìat unu cani, unu bellu cani colori ’e meli, mannu che unu vitellu, di arrazza fonnesa, naràt su mèri, attrivìu, capassu de firmai unu malloru arrùi, naràt su mèri, si dd’èssit benìu a trettu. Parìat unu lioni, no unu cani, po cussu dd’ìat postu Lioni. Una bella dì de donniassantu, Debolezza e Lioni fùant andaus a circai cardolinu, facci a Is Taccus. A bell’a bellu Debolezza, cun su bàculu e una bertuledda a coddu, currendu ananti e infattu Lioni, firmendusì fattu-vattu a fragai una perda o a arziai sa camba in d’un’àtara, prexau comente chi fèssit andendu a festa. Mischinu. Arribaus a Is Taccus, mentris Debolezza fut girendu passu passu, circhendu a conca bàscia in d’unu paris accantu creìat chi ddu èssit cardolinu pezza, de palas de una màccia ’e moddizzi ’ndi stùppat tot’in d’una unu malloru nieddu. Arrùi. Comenti bit a Lioni, su malloru, sulendu che una pìbera, s’inci ddi scùdit asuba a conca bàscia, sciamiendu is corrus accuzzus, circhendu de ddu ferri a morti cun d’unu scàviu infattu ’e s’àturu. Ma Lioni no est unu cani ’e bértula, e si ddi furriàt a dentis in foras murrungendu, zaulendu a curzu a curzu, airàu, mussiendiddu cun feli accantu pòdit, a su zugu, a su pitturrali, a su fundu ’e s’origa. Su malloru però no si fìrmat s’indi scùtulat su cani e cammìnat, iscàviat e cammìnat, passu passu, finzas a chi ci pòrtat a Lioni accanta ’e unu spérrumu. Po unu pagheddu su certu sìghit inguni, cun su malloru chi cun is corrus di azzàrgiu bòlit donai a su cani s’ùrtimu corpu, su corpu chi pòngat fini a su certu, ma su cani no tènit gana ’e s’arrendi, est abettiosu e attrivìu, si mòvit che un’anguidda, si cràvat a su malloru che unu dimóniu, pesendusindi ’e terra e murrungendu, cun sa baulada in bucca, su pilu azzuzzudau, mussiendu cun feli accantu arrennèscit a arribai. Ma senza ’e s’ind’acatai, torrendu asegus comenti cammìnat su malloru, Lioni è lómpiu a s’óru ’e su spérrumu. S’ind’acàtat su malloru, però, chi abascendu lésturu sa conca arrennèscit a ddi ponni tot’a is dus corrus asutta ’e brenti, e pèsat a bolai su cani. Lioni furriòttat in s’àiri, e cun d’unu zàulu disisperau ci arrùit in su spérrumu. Tandu su malloru àrziat prus in artu sa conca, superbu, si fùrriat, marrascèddat, pèsat unu corrinu e s’inc’istésiat a passu adasiau, cun s’àiri ’e su bincidori. Debolezza, firmu, cun su bàculu in d’una manu e unu cardolinu in s’àtara, at bistu totu ma no at póziu fai nudda. At provau a zerriai a Lioni, ma su cani no ddu pòdit intendi. Candu dd’at bistu arruendinci in su spérrumu, Debolezza ci at fuliau su cardolinu, e cun su bàculu e su passu chi ddi permìttint is cambas pagu seguras, a pampadas, arrumbulendu in sa calàda prena ’e spina, acùdit accantu pènzat chi pòzat èssi arrutu su cani. Intèndit unu zùnchinu e bit a Lioni: c’est arrutu in pizzus de unu muntoni ’e perda e de spina, ddi béssit sànguni de bucca e di orìgas, ma candu Debolezza ddi pònit sa manu in conca sénzat de zunchiai. Pàrit mortu.Però connòscit sa manu ’e su mèri, sa boxi, cumprèndit is fueddus, e apustis de unu pagheddu mòvit appenas sa coa. Oras pàssanta, cun Debolezza carinniendu su cani mesu mortu comente chi dd’èssit póziu donai vida cun sa manu amorosa. Poi, aillargu, s’intèndint is arrodas de unu carru. Debolezza aspèttat, su carru s’accóstiat, Debolezza fuèddat cun su carradori, poi pònit sa bértula in su sterrimentu ’e su carru, su carradori pìgat su cani in brazzus e cun delicadesa, comente chi èssit lìggiu in su coru ’e Debolezza, ddu pònit asuba ’e sa bértula. Ìntrant in bidda ch’est iscurigau. Su carru si fìrmat ananti ’e sa domu ’e su bandidori, su carradori tòrrat a pigai su cani in brazzus e Debolezza sa bértula, ìntrat e dda pònit accanta ’e sa ziminera. Su carradori, a lébiu a lébiu, ci pònit asuba a Lioni. Su cani, cun is ògus mes’abertus càstiat su meri e tòrrat a movi appenas sa coa. Debolezza si ddi sèzzit accanta in d’una cadiredda e tòrrat a ddi passai sa manu in conca, in sa schina, a lébiu, timendu de ddi fai mali. Poi ddi bénit un’idea: nàrat calincuna cosa a su cani, ci béssit e no pàssat meda chi tòrrat cun Buffalubrodu. Buffalubrodu “vìsitat” su cani mellus de unu dottori, citìu, tocchendiddu cun is didus in dónnia logu, firmendusì candu a su cani ddi béssit unu zùnchiu, poi nàrat sa sua: Lioni pòrtat duas cambas segadas, una ananti e una asegus, e tres còstas, sa schina zinniàda; su sànguni chi at fattu dèpit èssi de figàus. Ma forzis si sàrvada. pònit una tauledda in donniuna de is cambas segadas, beni strinta cun tiras de tela; po is còstas no si pòdit fai nudda, po sa schina nimmancu. Donaddi calincuna cullera ’e latti, ma arziaddi sa conca a bell’a bellu. Torru cras a merì. Fut torrau dónnia merì, dis e dis. Debolezza ìat curau a Lioni che unu pipìu, che unu fillu, fendu totu su chi ddi naràt Buffalubrodu, abarrendu accanta ’e su cani dónnia momentu chi podìat, dormendu accanta sua a su notti, in d’una stòia. Dd’ìat aiscau cun latti e brodu, e appenas Lioni ìat póziu pappai, cun arrogheddus de pezza beni cotta. Cun passiénzia, cun amori, comenti si fàit cun d’unu fillu. Apustis de unu mesi, unu mangianu, candu fut pesendusindi, Debolezza s’ìat agatau a Lioni accanta ’e sa stòia, strantàxu: portàt su zugu trotu, sa schina acciuvàda, e candu si fut móviu camminàt che su mèri. Cun cuddus ogus de cristianu parìat domandendu perdonu di èssi comenti fut, movendu sa coa bregungiosu. Po Debolezza fut comente chi Lioni èssit tentu su fueddu: dd’ìat passau sa manu in conca, in sa schina, a bell’a bellu, scaringendusì a arrìri: tra cani e meri no ddu ìat bisóngiu ’e fueddus. Tres dis apustis Debolezza ìat dezìdiu de bessìri cun Lioni, a ghettai unu bandu, coment’ìat fattu sèmpiri in cussus annus. Ma timìat. Timìat chi is biddanoesus èssinti fattu cun su cani coment’ìanta fattu cun issu, candu, apustis de su chi ddi fut suzzédiu, fut bessìu de domu sciancau, cun su bàculu, e dd’ìanta postu cuss’annomìngiu. Ma bai a cumprendi is biddanoesus: candu ddus ìanta bius in Sa Prazzitta, sciancaus tot’a is dus, si ddus ìanta postus in mesu pedendiddis novas, frandighendu su cani, alligrendusì de ddu biri torra cun su mèri. Totus iscìanta cun cali coràggiu Lioni ìat affrontau su malloru. E, cosa ’e no crei, Debolezza fut torrau a èssi Domianu, e su cani fut abarrau Lioni.

traduzione in italiano

Debolezza, il banditore sciancato, aveva un cane, un bel cane color miele, grosso come un vitello, di razza fonnese,
diceva il padrone, azzardato, capace di fermare un toro selvatico, diceva il padrone, se gli fosse capitato a tiro. Sembrava un leone, non un cane, per questo l’aveva chiamato Lioni. In una bella giornata di novembre Debolezza, con Lioni, era andato a funghi, verso Is Taccus. Adagio Debolezza, col bastone e una bisaccina in spalla, correndo avanti e indietro Lioni, fermandosi di tanto in tanto a odorare un sasso o ad alzare la zampa in un altro, contento come se stesse andando ad una festa. Meschino. Giunti a Is Taccus, mentre Debolezza gironzolava passo passo scrutando il terreno a testa bassa in uno spiazzo dove credeva che vi fossero cardoncelli, da dietro un macchione di lentischio sbuca fuori all’improvviso un gigantesco toro nero. Selvatico. Come vede Lioni, il toro, soffiando come una vipera, gli si butta sopra a testa bassa, dimenando le corna aguzze, cercando di colpirlo a morte con una cornata dopo l’altra. Ma Lioni non è un cane da nulla, e gli si rivolta a denti in fuori minaccioso, abbaiando sotto tono, fitto, poi tenta di azzannarlo dove può, al collo, al pettorale, alla base dell’orecchio. Il toro però non si ferma, si scuote il cane di dosso e cammina, dimena le corna e cammina, passo dopo passo, finché non porta Lioni sull’orlo di un precipizio. Per un po’ il combattimento continua in quel punto, col toro che con le corna d’acciaio vuol dare al cane il colpo definitivo, il colpo mortale che metta fine alla lotta, ma il cane non vuole arrendersi, è testardo e coraggioso, si muove come un’anguilla, si avventa come un demonio, sollevandosi da terra e abbaiando, la bava alla bocca, il pelo irto, azzannando con rabbia il toro nelle parti che ha scelto a bersaglio. Ma senza accorgersene, retrocedendo man mano che il toro avanza, Lioni è giunto sull’orlo estremo del precipizio. Se ne accorge il toro, però, che abbassando rapido la testa riesce a piazzare entrambe le corna sotto la pancia del cane e a sollevarlo da terra. Lioni carambola nell’aria, e con un lamento disperato cade nel precipizio. Allora il toro solleva più in alto la testa, superbo, si volta, scalpita, muggisce e si allontana adagio, con l’aria del vincitore. Debolezza, fermo col bastone in una mano e un fungo nell’altra, ha visto tutto ma non ha potuto far nulla. Ha tentato di chiamare Lioni per sottrarlo alla mischia, ma il cane non poteva udirlo. Appena l’ha visto precipitare nel burrone, però, col passo delle sue gambe malferme, carponi, rotolando nella china cosparsa di spine, raggiunge il punto in cui pensa che il cane possa essere caduto. Sente un lamento e vede Lioni: è caduto sopra un mucchio di pietre, perde
sangue dalla bocca e dalle orecchie, ma quando Debolezza gli passa una mano sulla testa cessa di lamentarsi. Sembra
morto. Però riconosce la mano del padrone, la voce, comprende le parole, e dopo un po’ muove debolmente la coda.
Passano ore, con Debolezza che accarezza il suo cane mezzo morto, come se potesse ridargli vitalità con la sua
mano amorosa. Dopo, lontano, si sente il rumore delle ruote di un carro. Debolezza attende, il carro si avvicina, Debolezza parla col carrettiere; poi stende la sua bisaccia sul fondo del carro, il carrettiere prende in braccio il cane e delicatamente, come se avesse letto nel cuore di Debolezza, lo adagia sulla bisaccia. Entrano in paese che è già buio. Il carro si ferma davanti alla casa del banditore, il carrettiere riprende il cane in braccio, Debolezza la bisaccia, entra, la distende vicino al camino ed il carrettiere vi depone il cane. Lioni guarda il padrone con gli occhi socchiusi e muove appena la coda. Debolezza, seduto accanto, lo accarezza a lungo, sulla testa, sulla schiena, lieve, temendo di fargli male. Poi gli viene un’idea: sussurra qualcosa a Lioni, esce rapido, e dopo un po’ ritorna con Buffalubrodu. Buffalubrodu “visita” il cane meglio di un dottore, zitto, palpandolo attentamente dappertutto, fermandosi quando emette un lamento, poi dice la sua: Lioni ha due gambe spezzate, una anteriore ed una posteriore, tre costole rotte, la colonna vertebrale incrinata, il sangue che ha vomitato forse dipende dal fegato. Ma forse si salva. Gli lega strettamente una tavoletta in ciascuna delle gambe spezzate, ben stretta con strisce di tela, per le costole non si può far nulla, per la schiena neppure. Dagli qualche cucchiaio di latte, ma sollevagli la testa con attenzione. Torno domani sera.
Era tornato tutte le sere, per giorni e giorni. Debolezza aveva curato il suo cane come se fosse un bambino, come un figlio, attenendosi scrupolosamente alle prescrizioni di Buffalubrodu, restando quasi costantemente vicino a Lioni, dormendo accanto a lui la notte, su una stuoia. L’aveva imboccato con latte e brodo, e, quando era stato in grado di mangiare, con pezzetti di carne ben cotta. Con pazienza, con amore, come si fa con un figlio. Dopo un mese, una mattina, destandosi, aveva visto Lioni accanto alla stuoia, ritto sulle zampe malferme: aveva il collo storto, la schiena incavata, e muovendosi camminava come il padrone. Con quegli occhi da cristiano sembrava chiedergli perdono di essere così malridotto, muovendo timidamente la coda. Per Debolezza era come se Lioni gli avesse parlato: gli aveva sfiorato con la mano la testa, la schiena, lievemente, sorridendogli: no, tra loro non c’era bisogno di parole. Alcuni giorni dopo Debolezza aveva deciso di uscire con Lioni, per un bando, come aveva sempre fatto in quegli anni. Ma temeva. Temeva che i biddanoesi si comportassero col cane come si erano comportati con lui, quando, dopo la disgrazia, era uscito di casa sciancato, col bastone, e gli avevano appioppato quel soprannome. Ma va’ a capire i biddanoesi: quando li avevano visti insieme in Sa Prazzitta, sciancati tutti e due, li avevano attorniati chiedendo come stavano, accarezzando il cane, rallegrandosi di vederlo nuovamente col padrone. Tutti sapevano con quale coraggio Lioni aveva affrontato il toro. E, cosa da non credere, Debolezza era tornato ad essere Domianu ed il cane era rimasto Lioni.